Վաղը կառավարության ընդունելությունների տանը տեղի կունենա ընդդիմություն-իշխանության երկխոսության թվով արդեն չորրորդ հանդիպումը, որի ընթացքում պետք է քննարկվի ընդդիմության ներկայացրած օրակարգը` Հայաստանում արտահերթ նախագահական եւ խորհրդարնական ընտրություններ անցկացման վերաբերյալ:
«Վաղը մենք կներկայացնենք Հայաստանի ժողովրդավարացման մեր առաջարկած ճանապարհային քարտեզի բոլոր անհրաժեշտ հիմնավորումները»,- «Մեդիալաբի» հետ զրույցում տեղեկացրեց ընդդիմադիր Հայ ազգային կոնգրեսի համակարգող, ընդդիմության պատվիրակության ղեկավար Լեւոն Զուրաբյանը:
Զուրաբյանը հավելեց, որ իրենք իրենց հիմնավորումները կներկայացնեն «փաստարկների տեսքով»:
«Մեդիալաբի» տեղեկություններով, վաղվա հանդիպմանը ընդդիմությունը իշխանություններին կներկայացնի արտահերթ ընտրությունների անցկացումը հիմնավորող «փաստարկների» մի ամբողջ փաթեթ:
© Medialab.am