Այսօր Կառավարության ընդունելությունների տանը մեկնարկած ընդդիմություն-իշխանություն երկխոսությունը տեւել է ավելի քան հինգ ժամ, որի ընթացքում քննարկվել է Հայաստանում արտահերթ ընտրություններ անցակցնելու վերաբերյալ ընդդիմության կողմից ներկայացրած օրակարագը:
Ընդդիմությունը այսօրվա քննարկման էր ներկայացրել 85 էջանոց փաստաթուղթ, որով հիմնավորում էր Հայաստանում արտահերթ ընտրություններ անցկացնելու անհրաժեշտությունը:
Ինչպես հանդիպումից հետո լրագրողների հետ զրույցում տեղեկացրեց ընդդիմության պատվիրակության ղեկավար Լեւոն Զուրաբյանը, փաստարկներն իշխանական պատվիրակությանն են ներկայացրել 3-4 ժամվա ընթացքում:
Զուրաբյանը նաեւ տեղեկացրեց, որ այդ հիմնավորումների թվում ընդդիմությունը ներկայարացել է նաեւ ՀՀ ԱԺ 76 պատգամավորների ցանկը, ովքեր խախտելով ՀՀ Սահմանադրությունը զբաղվում են ձեռնարակատիրությամբ:
«Դրանք փաստացի արձանագրումներ են, որը մենք այսօր դրել ենք բանակցությունն սեղանին: Դրանք ներկայացնելուց հետո քննարկում չի եղել: Մեզ ամենայն ուշադրությամբ լսել են, պայմամավորվածություն կա, որ օրակարգային առաջին հարցի վերաբերյալ իշխանական կոալիցիան կներկայանցի իր տեսակետները` մյուս հանդիպմանը, որը կկայանա մեկ շաբաթից, որովհետեւ իշխանական կոալիցիան ժամանակ խնդրել»,- լրագրողներին ասած Լեւոն Զուրաբյանը` հավելելով, որ իրենք պայմանավորվել են նաեւ, որ հաջորդ հանդիպումը կկայանա ոչ թե սովորականի պես ժամը 12-ին, այլ` ժամը 10-ին:
Իր հերթին իշխանական կոալիցիայի պատվիրակության ղեկավար Դավիթ Հարությունյանը լրագրողներին ասաց, որ հանդիպմանը Կոնգրեսը ներկայացրել է իր փաստարկները, իսկ իրենք «ամենայն մանարամսնությամբ» լսել են այդ փաստարկները:
«Դրանց մի մասը փաստեր են, մի մասը` գնահատականներ: Փաստերի մի մասը մեր կարծիքով` ճշգրիտ չէ ներկայացված, մի մասի հիման վրա ներկայացված գնահատականնները եւս ճշգրիտ չեն: Մենք պատրաստվում ենք հաջորդ հանդիպմանը ներկայացնել մեր պատասխանը»,- նշեց Հարությունյանը:
© Medialab.am
