ՀՀ երկրորդ նախագահ, Մարտի 1-ի գործով Սահմանադրական կարգը տապալելու և առանձնապես խոշոր չափի կաշառք ստանալու համար մեղադրվող Ռոբերտ Քոչարյանը դեռևս «Էրեբունի» ԲԿ-ում է:
Այս մասին Factor.am-ը տեղեկացավ նրա պաշտպան Հովհաննես Խուդոյանից:
Մեր հարցին, թե արդյոք հետևելու են ԲԴԽ-ի կոչին ու վաղվա դատական նիստը հետաձգելու միջնորդություն են ներկայացնելու, Խուդոյանը պատասխանեց, որ իրենք նման միջնորդությամբ հանդես չեն գալու, իսկ դատարանից դեռ նիստը հետաձգելու որևէ հիմնավորում կամ պատճառաբանություն չեն ստացել:
Փաստաբանը նաև տեղեկացրեց, որ վաղը՝ կախված բժիշկների եզրակացությունից, հնարավոր է, որ դատարան գնա նաև Ռոբերտ Քոչարյանը:
