Հայկական եթերով թաքնված քաղաքական գովազդի հատկանիշներ պարունակող նյութեր են հեռարձակվում: Այդ մասին այսօր նշեց ԵՄԱ ՀԿ նախագահ Բորիս Նավասարդյանը՝ ներկայացնելով ՀՀ 2012թ. խորհրդարանական ընտրությունների նախաշեմին Հայաստանի հեռարձակվող ԶԼՄ-ների մշտադիտարկման միջանկյալ մեկամսյա հաշվետվությունը:
«Դրանք այն նյութերն են, որտեղ նույն տեսաշարն է օգտագործվում, նույն տեսախցիկով է ամեն ինչ նկարված, շատ դեպքերում նույն ձայնն է լինում ու համարյա նույն տեքստը փոքրիկ փոփոխություններով: Ու այն մի քանի հեռուստաալիքներով է տարածվում, որը մեզ թույլ է տալիս ենթադրել, որ այն մեկ խմբի կողմից է իրականացվում ու պատվերով»:
Նման հատկանիշներ պարունակող նյութեր հաշվետվություն կազմողները նկատել են ամենից շատ Բարգավաճ Հայաստան եւ Օրինաց երկիր կուսակցությունների դեպքում:
© Medialab.am