Անչափահասների շրջանում սիրված վեպերի հայտնի հերոսներն ուղղակի զազրելի լեքսիկոն ունեն, ինչն էլ կարող է հանգեցնել նրան, որ գրքերը կարդացող երեխաները նույնպես սկսեն այդ բառապաշարն օգտագործել խոսելիս, հաղորդում է Daily Mail-ը:
Այս ուսումնասիրությունն անցկացրել է պրոֆեսոր Սառա Կոյնը, ով ուսումնասիրել է անչափահասների համար բեստսելլեր համարվող քառասուն գիրք: Միջին տվյալներով, դրանցից ամեն մեկը պարունակում է 38 այնպիսի բառ, որը ոչ մի ծնող չէր ցանկանա լսել իր երեխայի բերանից:
Այս թիվը ցույց է տալիս, որ ընթերցանության մեկ ժամվա ընթացքում երեխան կարդում է միջինում յոթ նման արտահայտություն:
Իսկ ովքե՞ր են հայհոյողները: Կոյնի ուսումնասիրությունը ցույց է տվել, որ այդպիսի բառապաշարով աչքի են ընկնում ամենահայտնի և սիրված այնպիսի կերպարներ, ինչպիսիք են Հարրի Փոթթերն ու «Մթնշաղի սագայի» վամպիր Էդվարդը:
«Ծնողները պետք է զրուցեն իրենց երեխաների հետ այն մասին, թե ինչ գրքեր պետք է կարդալ»,-համոզված է Կոյնը:
© Medialab.am
