Կոտայքի մարզպետարանը հայտարարություն է տարածել, որում ասվում է հետևյալը․
Հարգելի հայրենակիցներ,
Կոտայքի մարզպետարանի Առողջապահության և սոցիալական ապահովության վարչությունը ցանկանում է ևս մեկ անգամ հորդորել մեր քաղաքացիներին համավարակի դեմ պայքարի այս լարված օրերին զերծ մնալ ապատեղեկատվության և չստուգված տեղեկատվությունների տարածումից:
✅ Ինչպես ամբողջ աշխարհում, այնպես էլ Հայաստանում, կորոնավիրուսային հիվանդությամբ վարակվում են նաև բուժաշխատողները։ Դա ցավալի է, բայց, անխուսափելի։ Այդ իսկ պատճառով նրանք ներառված են թեստավորման ենթակա ռիսկային խմբում։
✅Կոտայքի մարզի բոլոր բուժհաստատություններում բուժաշխատողները պարբերաբար պրոֆիլակտիկ թեստավորում են անցնում: Դրական արդյունքի կամ որևէ սիմպտոմի ի հայտ գալուն պես, բուժաշխատողը մեկուսացվում է։ Իսկ ծանր ընթացքի դեպքում բոլորը հոսպիտալացվում են:
Մեր հարգելի բուժաշխատողներին էլ հորդորում ենք հնարավորինս սահմանափակել աշխատանքի վայրից դուրս իրենց կենցաղային շփումները: Խնայեք ձեր և ձեր գործընկերների առողջությունը։
Այս օրերին մեծ պատասխանատվություն է դրված ձեր, ուսերին, որը դուք պատվով եք կրում։
Դուք մեր առաջամարտիկներն եք պայքարի դաշտում։
Առողջ եղեք։
