Նախագահի թեկնածու Անդրիաս Ղուկասյանը Պարույր Հայրիկյանի չկողմնորոշվածությունը՝ ընտրությունները հետաձգելու որոշման հարցում, բացատրեց նրա քաղաքական, ֆիզիկական եւ հոգեբանական հոգեվիճակով:
«Բավականին բարդ է այս հանցագործությունից հետո: Լարվածության մեջ պահեց հանրությանը, որովհետեւ կարող էր ազդեցություն ունենալ քաղաքական գործընթացների վրա: Համարենք, որ այդ ազդեցությունը հասել է ավարտին: Իմ դիրքորոշումը նույնն է՝ երկրում ընտրությունները շինծու են, որովհետեւ հակասահմանադրական կուսակցությունը մասնակցում է ընտրություններին, իսկ նման ընտրությունները չեն կարող լինել ազատ եւ իսկական»:
Անդրադառնալով՝ Հայրիկյանի ՝ միասնական թեկնածուով հանդես գալու առաջարկին, պարոն Ղուկասյանն ասաց. «Միասնական թեկնածու լինի, թե ոչ, միասնական թեկնածու լինի շինծու ընտրություններին, էապես քաղաքական իրավիճակի վրա չի կարող ազդել: Սերժ Սարգսյանը պատասխանեց բոլոր հարցերին, երբ ասաց՝ ինչքան ուզենանք, այնքան էլ կխփենք:
Կոչ եմ անում, որ Հրանտ Բագրատյանը, Պարույր Հայրիկյանն ու Րաֆֆի Հովհաննիսյանը լրջագույն պատասխանատվությամբ ընդունեն Սերժ Սարգսյանի ասածները: Նա ասել է բացարձակ ճշմարտությունը»:
Մանրամասները տեսանյութում