Հուլիսի 17-ին, ժամը 11։20-ին Ճգնաժամային կառավարման ազգային կենտրոն տեղեկություն է ստացվել, որ Երևանի Պուշկինի փողոցի թիվ 48 շենքի նկուղային հարկում գտնվող սննդի կետից ծուխ է նկատվում:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է Մաշտոցի պողոտայի թիվ 38 հասցեում՝ «Շաուրմա լենդ» սննդի կետում։
Հրդեհը մեկուսացվել է ժամը 11։46-ին, մարվել՝ 12։29-ին: Այրվել է կրակարանի ծխատարում (մոտ 20 գմ) կուտակած յուղը։ Այս մասին տեղեկացնում է ԱԻՆ-ը։
