Ըստ «Մեդիալաբի» տեղեկությունների, ժամեր առաջ արտառոց դեպք է տեղի ունեցել Զվարթնոց օդանավակայանում:
Զվարթնոց օդանավակայանի անվտանգության ծառայության պետ Կարեն Բաբայանի ուղեբեռում, ով հայտնի է նաեւ «Շերիֆ» մականունով, հայտնաբերվել են հայտնի նկարիչների կտավներ, արժեքավոր այլ իրեր:
Հավաստի տվյալներով, արժեքավոր այդ իրերը ոստիկանությունը առգրավվել է, սակայն «Շերիֆին» հաջողվել է հատել Հայաստանի սահմանը և հեռանալ: Կարեն Բաբայանը, «Զվաթնոց» օդանավակայանի անվտանգության պետն է, և նախկինում զբաղեցնում էր Ոստիկանության Զվարթնոցի գծային բաժանմունքի պետի պաշտոնը:
Դեռեւս հայտնի չէ, ինչ հայտնի նկարիչների եւ արժեքավոր իրերի մասին է խոսքը, «Մեդիալաբը» կշարունակի հետեւել դեպքերի ընթացքին եւ հավելյալ մանրամասներ հաղորդել:
© Medialab.am