Ազգային ժողովում կարկտահարության խնդրի մասին քննարկումների ժամանակ Մթնոլորտային երևույթների վրա ակտիվ ներգործության ծառայություն ՊՈԱԿ-ի տնօրեն Ռոբերտ Հովսեփյանը նշեց, որ արտակարգ իրավիճակների նախարարության ենթակայությամբ չգործող հակակարկտային կայանները հնարավոր է՝ հակառակ արդյունքն են տվել՝ կրակելու ժամանակ անձրևը վերածել են կարկուտի:
Պատգամավոր Նիկոլ Փաշինյանը հետաքրքվեց՝ ինչքանո՞վ է մարդկային գործոնը դեր խաղացել, որ տեղի ունենա նման աննախադեպ աղետ, արվե՞լ է հետազոտություն: «Կա երկու տարբերակ՝ կամ որոշ հակակարկտային կայաններ չեն աշխատել, կամ էլ աշխատել են և կարկուտի մակարդակը բարձրացրել են, այսինքն՝ վերածել են աղետի: Հիմա չի բացառվում, որ դուք հակակարկտային գործողություն եք արել, մյուսները պրոկարկտային գործողություն են արել»,- ասաց Փաշինյանը:
Ի պատասխան, Ռոբերտ Հովսեփյանը նշեց, որ արտակարգ իրավիճակների նախարարությունը չի հետաքննել, թե իր ենթակայությամբ չգործող 32 կայաններն ինչպես են աշխատել:
Ամբողջական հոդվածը կարող եք կարդալ այստեղ