Կյանքից հեռացել է Բեյրութի պայթյունից տուժած Անետ Խաչիկյանը

Բեյրութի քաղաքային նավահանգստում տեղի ունեցած պայթյունի հետևանքով կյանքից հեռացել է Անետ Խաչիկյանը, որը գտնվում էր հիվանդանոցում: Այս մասին հայտնում է Արևելք լրատվականը:

Ըստ աղբյուրի, Խաչիկյանը մահացել է Լիբանանի Զահլե քաղաքի հիվանդանոցում։ Նշվում է, որ Բեյրութում տեղի ունեցած պայթյունի հետևանքով զոհված հայերի թիվը հասել է 15-ի:

Հիշեցնենք՝ պայթյունը Բեյրութում տեղի էր ունեցել օգոստոսի 4-ին։ Պայթյունի հետևանքով զոհվել էր 200-ից ավելի մարդ, վիրավորվել՝ 5000-ը։