Գյումրու Ասպարեզ ակումբի նախագահ, Գյումրու ավագանու անդամ Լևոն Բարսեղյանը իր ֆեյսբուքյան էջում նշել է Տարածքային կառավարման և ենթակառուցվածքների նախարար Սուր Պապիկյանին ու գրել․
«Սիրելի կառավարություն, խնդրում եմ մի քիչ փող ուզել պարոն Ջանջուղազյանից, Փամբակի թունելը (8կմ-ից մի քիչ ավելի) նորոգել, ավարտին հասցնել եւ գործարկել Երեւան-Իջեւան երկաթուղին:
Գործի մեծ մասն արած է վաղուց, ափսոս է համ էլ: Հա մեկ էլ երկաթուղին շահագործող ընկերությանը կարգի հրավիրեք: Դրա շնորհիվ մարդիկ գնացքով կգնան չքնաղ Ֆիոլետովո, Դիլիջան, Իջեւան, նույնիսկ մինչեւ Ազատամուտ ու Կայան: Թե ուղեւորափոխադրումից բացի ինչի կծառայի էդ երթուղին, չպատմեմ, ինձնից լավ գիտեք: Էս մեկն արեք, հետո էլի թունելի գործ կա»:
