«Հույսի կամուրջ» հասարակական կազմակերպությունը և «Առաքելություն Արևելք» դանիական մասրդասիրական օգնության կազմակերպությունը հայտարարում են «Հավասար հնարավորություններ» խորագրով հաշմանդամության թեմայով լավագույն հրապարակման (հեռուստատեսություն, մամուլ, ռադիո, ֆոտոպատմություն, մուլտիմեդիա և էլեկտրոնային) ամենամյա «Արևածաղիկ» 11-րդ մրցույթը:
Մրցույթի նպատակը հաշմանդամություն ունեցող անձանց համար հավասար հնարավորությունների գաղափարի քարոզումն է:
Մրցույթին կարող են ներկայացվել 2012 թ. նոյեմբերի 20-ից 2013թ. նոյեմբերի 20-ը հրապարակված նյութերը:
Սահմանված են`
- գլխավոր մրցանակ լավագույն հրապարակման համար` բարձրակարգ համակարգիչ կամ համարժեք գումար,
- 1-ին, 2-րդ և 3-րդ մրցանակ լավագույն հեռուստա-, ռադիոհաղորդման, մուլտիմեդիա և ֆիլմ, ինչպես նաև տպագիր նյութի համար
- հատուկ մրցանակ,
- խրախուսական մրցանակներ:
Մրցանակներ են սահմանել նաև ՀՀ Աշխատանքի և սոցիալական հարցերի նախարարությունը և «Կովկասյան ցանց` երեխաների համար» նախաձեռնությունը: Վերջինս ստեղծվել է Բաց հասարակության ինստիտուտ հիմնադրամի կրթության աջակցության ծրագրի (Բուդապեշտ) աջակցությամբ:
Մրցանակները տրվելու են ոչ թե հեռարձակող ընկերություններին կամ խմբագրությանը, այլ լրագրողին:
Յուրաքանչյուր լրագրող կարող է ներկայացնել առավելագույնը 1 աշխատանք: Մրցույթին չեն կարող մասնակցել նախորդ տարիների 1-ին տեղի մրցանակներ շահած լրագրողները: Խրախուսվում է անդրադարձը կամ հղումը Հաշմանդամություն ունեցող անձանց իրավունքների կոնվենցիային (ՀՀ-ում ուժի մեջ է մտել 2010թ. հոկտեմբերի 22-ին): Նյութերը պետք է ներկայացնել մասնակցության հայտի հետ միասին, մինչև 2013թ. նոյեմբերի 21-ը, ժամը 16:00, «Հույսի կամուրջ» ՀԿ գրասենյակ Կորյունի 19ա, 2-րդ հարկ:
Արդյունքները կամփոփվեն, և հաղթող հրապարակումները մրցանակաբաշխության արարողությանը կներկայացվեն 2013 թ. դեկտեմբերին:
Մանրամասների համար դիմել` Զարուհի Բաթոյանին. հեռ.` (010) 560143, էլ. փոստ` [email protected]
Այս մասին տեղեկացնում է «Հույսի կամուրջ» ՀԿ-ի պաշտոնական մամլո հաղորդագրությունը:
© Medialab.am
