Երևանի ընդհանուր իրավասության դատարանը բավարարել է փաստաբան Էրիկ Ալեքսանյանի նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդությունը։ Ինչպես տեղեկացնում է «Արմենպրես»-ը, այս մասին հայտնեց նրա պաշտպան Ալեքսանդր Կոչուբաևը։
Ավելի վաղ, նույն գործի շրջանակներում կալանավորվել էր դատավոր Արուսյակ Ալեքսանյանը։
Դատախազությունը միջնորդություններ էր ներկայացրել Բարձրագույն դատական խորհուրդ՝ պահանջելով թույլատրել քրեական հետապնդում հարուցել և ազատությունից զրկել դատավոր Արուսյակ Ալեքսանյանին, որը ԲԴԽ-ի կողմից բավարարվել էր։
Լրատվամիջոցներում նշվում է, որ դատավոր Արուսյակ Ալեքսանյանը մեղադրում է ակնհայտ անարդար դատական ակտ կայացնելու և պաշտոնեական լիազորություններն անցնելու մեջ։ Նույն վարույթի շրջանակներում մեղադրանք է առաջադրվել նաև փաստաբան Էրիկ Ալեքսանյանին, որը մեղադրվում է դատավոր Ալեքսանյանին պաշտոնեական լիազորություններն անցնելու հարցում օժանդակելու մեջ։
