ՀՀ վարչապետ Նիկոլ Փաշինյանը Ստեփանավան քաղաքի Դենդրոպարկում մայրի ծառի սերմ ցանեց, որը կտնկի հոկտեմբերի 10-ին՝ 10 մլն ծառ տնկելու ֆլեշմոբի շրջանակում: «Արմենպրես»-ի փոխանցմամբ` մարտի 7-ին ՀՀ վարչապետը «Ֆեյսբուք»-ի իր էջի ուղիղ եթերի ընթացքում կոչ արեց հետևել իր օրինակին, ցանել սեփական ծառի սերմն ու տնկել այն:
ՀՀ վարչապետին միացավ նաև Չարենցավանի թիվ 2 միջնակարգ դպրոցի աշակերտուհի Աիդա Աղաջանյանը, ով շրջակա միջավայրի նախարար Էրիկ Գրիգորյանին նամակ է գրել ամբողջ Հայաստանում ծառեր տնկելու անհրաժեշտության մասին: Աիդա Աղաջանյանը հացենի ծառի սերմ ցանեց:
ՀՀ կառավարությունը նախատեսել է ծրագիր՝ մինչև 2020 թվականի հոկտեմբերի 10-ը հանրապետությունում տնկել 10 մլն ծառ՝ ի նշան Հայաստանում 10 մլն հայության միասնության: 2020թ. ընթացքում մեկնարկել են 10 մլն ծառ տնկելու ծրագրի աշխատանքները:
