«Եվրատեսիլ-2014». Պատրաստ է Արամ MP3-ի երգը

«Եվրատեսիլ-2014». Պատրաստ է Արամ MP3-ի երգը
«Եվրատեսիլ-2014». Պատրաստ է Արամ MP3-ի երգը
Հեղինակ MediaLab

«Եվրատեսիլ-2014» երգի մրցույթի հայաստանյան ներկայացուցչի՝ Արամ MP3-ի երգն արդեն պատրաստ է։

Այդ մասին տեղեկացնում է «Ա1+»-ը` հղում անելով Առաջին ալիքի Հասարակայնության հետ կապերի բաժնին: Ըստ աղբյուրի, մրցույթի հայաստանյան գեղարվեստական խումբը ստացել էր հայ եւ օտարազգի կոմպոզիտորների ավելի քան 75 երգ։

«Եվրատեսիլ» մեկնող երգի վերջնական ընտրությունը կատարվել է մի քանի փուլերից բաղկացած լսումների, մանրամասն ուսումնասիրությունների եւ մասնագիտական focus group-ի արդյունքում: Հաշվի են առնվել համաշխարհային արդի երաժշտական տենդենցները, հայաստանյան պատվիրակ Արամ MP3-ի ձայնային տվյալներն ու երաժշտական ճաշակին համապատասխանելը»:

Արամ MP3-ի երգը եւ տեսահոլովակը պատրաստ կլինեն մարտի 15-ին։

Հիշեցնենք, որ 59-ամյա պատմություն ունեցող «Եվրատեսիլ» երգի միջազգային մրցույթին Հայաստանը մասնակցել է 7 անգամ:

Մինչ այժմ Հայաստանը ներկայացրած Եվա Ռիվասը զբաղեցրել է 7-րդ, երգիչներ Անդրեն եւ Հայկոն 8-րդ, Ինգա եւ Անուշ Արշակյան քույրերը` 10-րդ տեղը, իսկ անցյալ տարի Շվեդիայի Մամլո քաղաք մեկնած «Դորիանս»-ը «Եվրատեսիլ-2013»-ում գրավեց 18-րդ տեղը:

Լավագույն արդյունքն առ այսօր Սիրուշոյի 4-րդ հորիզոնականն էր:

Հիշեցնենք, որ 2011-ին, Գերմանիայի Դյուսելդորֆ քաղաքում կայացած «Եվրատեսիլ» երգի ամենամյա մրցույթում Հայաստանը ներկայացնող երգչուհի Էմմիին չի հաջողվել նվաճել եզրափակիչ փուլին մասնակցելու իրավունք:

Իսկ 2012-ին, Հայաստանը հրաժարվել էր մասնակցել մրցույթին, քանի որ անց էր կացվում Բաքվում:

Այս տարի «Եվրատեսիլ-2014» տեղի կունան Դանիայում, Կոպենհանգենի Կոպենհագենի «B&W Hallerne» համերգասրահում:

Հայաստանի ներկայացուցչի` Արամ MP3-ի ելույթը նախատեսվում է մայիսի 6-ի կիսաեզրափակիչ փուլում։

Ստորեւ` Արամ MP3-ի կատարմամբ, անցյալ տարվա հաղթող ճանաչված Դանիայի ներկայացուցչի երգը: 

© Medialab.am

http://www.youtube.com/watch?v=woKzC7Kenj0