Հարկադիր կատարումն ապահովող ծառայությունը հոկտեմբերի 22-ից ժամանակավորապես դադարեցնում է քաղաքացիների սպասարկման գրասենյակի աշխատանքը

Հեղինակ MediaLab

Կորոնավիրուսի ծավալների աճով պայմանավորված և վարակի հետագա տարածումը կանխելու նպատակով՝ Հարկադիր կատարումն ապահովող ծառայությունը հոկտեմբերի 22-ից ժամանակավորապես դադարեցնում է քաղաքացիների սպասարկման գրասենյակի աշխատանքը:

Հորդորում ենք.

խուսափել Ծառայության որևէ ստորաբաժանում այցելելուց,

բոլոր վճարումներն իրականացնել բացառապես Telcell, EasyPay, IDram, MobiDram վճարահաշվարկային տերմինալների, E-payments, ArCa վճարային համակարգերի և բանկային առցանց փոխանցումների միջոցով,

դիմումները, բողոքները, հարցումները և Ծառայությանը հասցեագրված այլ փաստաթղթերը ներկայացնել բացառապես https://e-request.am/ էլեկտրոնային հարցումների միասնական հարթակի միջոցով։

Քաղաքացիների համար կգործեն Սպասարկման գրասենյակի 060-713-435 և Տեղեկատուի 060-713-500 հեռախոսահամարները:

ԲԱՑԱՌԱՊԵՍ արգելանքներին առնչվող հարցերով կարող եք կապ հաստատել #Քո_Արգելանքը արագ արձագանքման խմբի հետ (077, 055, 091) 713 437 հեռախոսահամարներով:

Խիստ անհրաժեշտության դեպքում Ծառայություն այցելելիս  կրել պաշտպանիչ դիմակ, պահպանել սոցիալական հեռավորություն:

Հարկադիր կատարումն ապահովող ծառայություն