Ռուսաստանի խաղաղապահ ստորաբաժանման զինծառայողները տեղափոխվել են Լեռնային Ղարաբաղի այն տարածքներ, որտեղ կկատարեն հակամարտության գոտում հրադադարի ռեժիմի վերահսկման առաջադրանքը:
«Արմենպրես»-ի փոխանցմամբ՝ ինչպես տեղեկացնում է «ՏԱՍՍ»-ը, այս մասին հայտարարել է ՌԴ Պաշտպանության նախարարությունը: Նշվում է, որ զինվորական շարասյուները պետք է անցնեն ավելի քան 250 կմ և տեղակայեն ռուսական դիտակետով խաղաղապահ զորակազմ ՝ ԼՂ շփման գծի երկայնքով և Լաչինի միջանցքով:
Ավելի վաղ հաղորդվել էր, որ 20 Իլ -76 ինքնաթիռներով 15 առանձին խաղաղապահ բրիգադներից ավելի քան 400 ռուս խաղաղապահներ արդեն ժամանել են հակամարտության գոտի:
Նախարարությունը հիշեցրել է, որ ընդհանուր առմամբ 1960 զինծառայող, 90 զրահափոխադրիչ, 380 միավոր ավտոմեքենա և հատուկ տեխնիկա կտեղակայվի Լեռնային Ղարաբաղի հակամարտության գոտում:
