Արտակարգ իրավիճակների նախարարն այցելել է Լուսակերտ ուսումնական կենտրոն

Արտակարգ իրավիճակների նախարար Անդրանիկ Փիլոյանն այսօր այցելել է Լուսակերտ ուսումնական կենտրոն, ծանոթացել Փրկարարական ծառայության Քաղաքացիական պաշտպանության վարչության ուժերի հավաքական կենտրոնի գործունեությանը, զրուցել անձնակազմի հետ: Այնուհետև նախարար Փիլոյանը եղել է ԱԻՆ կենտրոնական պահեստում:

Նրան ներկայացվել է ամբողջ տարածքը, ունեցած ռեսուրսները, տեխնիկական հագեցվածությունն ու շինությունների գույքային ապահովվածությունը: Նախարարի գրաֆիկում առաջիկայում նախատեսված են նաև մարզային այցեր։

Այդ մասին տեղեկացնում են Արտակարգ իրավիճակների նախարարության լրատվական կենտրոնից։