21.12.2020

ՀՀ դեսպանը Կարմիր Մահիկի նախագահի հետ քննարկել է Հայաստանին և Արցախին ԻԻՀ-ի կողմից մարդասիրական օգնության հնարավորությունները

Դեկտեմբերի 21-ին ԻԻՀ-ում ՀՀ դեսպան Արտաշես Թումանյանը հանդիպում է ունեցել ԻԻՀ Կարմիր Մահիկի նախագահ Քարիմ Հեմմաթիի հետ։ Այս մասին տեղեկացնում է Իրանում ՀՀ դեսպանությունը: 

 Հանդիպման ընթացքում անդրադարձ է եղել կորոնավիրուսային համավարակի պայմաններում Հայաստանում և Իրանում ստեղծված վիճակին, կատարված աշխատանքներին, ինչպես նաև այդ ոլորտում իրականացված համագործակցությանը։

Դեսպան Թումանյանը ներկայացրել է սեպտեմբերի 27-ին Ադրբեջանի կողմից սանձազերծված պատերազմի հետևանքով ստեղծված ծանր վիճակը և դրա հաղթահարման ուղղությամբ անհրաժեշտ աշխատանքների մեծ ծավալները։

Զրուցակիցները քննարկել են Հայաստանին և Արցախին ԻԻՀ-ի կողմից մարդասիրական օգնության հնարավորությունները և երկուստեք համաձայնել, որ դա իրապես կծառայի կարիքի մեջ հայտնված մարդկանց, մյուս կողմից՝ այն համահունչ կլինի երկու ժողովուրդների դարավոր բարեկամական հարաբերություններին:

նմանատիպ նորություններ

այլ նորություններ