Ճանապարհային ոստիկանությունը վարորդներին հորդորում է խստագույնս պահպանել ճանապարհային երթևեկության անվտանգության կանոնները՝ պայմանավորված եղանակային անբարենպաստ պայմաններով:
«Հարգելի´ վարորդներ, զգուշացնում ենք, որ հանրապետության ողջ տարածքում տեղումներ են ձյան տեսքով, հատվածաբար առկա է նաև մառախուղ և ճանապարհահատվածները սառցակալված են:
Տավուշի մարզը դժվարանցանելի է բեռնատարների համար, իսկ Ստեփանավանը, Նոյեմբերյանը և Սպիտակը փակ են բեռնատարներով երթևեկելու համար:
Հորդորում ենք վերը նշված ճանապարհահատվածներով երթևեկել խիստ անհրաժեշության դեպքում և մեքենա վարել բացառապես ձմեռային անվադողերով` խստագույնս պահպանելով ճանապարհային երթևեկության անվտանգության կանոնները»,- նշվում է հայտարարությունում:
