ՀՀ առողջապահության նախարար Արմեն Մուրադյանը և Երևանի քաղաքապետ Տարոն Մարգայանն այցելեցին Երևանի չորս պոլիկլինիկա: Երևանի Շենգավիթ վարչական շրջանի թիվ 13 պոլիկլինիկայում տնօրեն Ռուզաննա Դուրգարյանի ուղեկցությամբ նրանք շրջեցին բաժանմունքներով, ծանոթացան նյութատեխնիկական և կադրային հագեցվածությանը: 32 405 բնակիչ սպասարկող առողջության առաջնային պահպանման այս հաստատությունը Երևանի քաղաքապետարանի ջանքերով համալրվել է նորագույն ռենտգեն սարքավորմամբ: «Կարմիր բլուր» պոլիկլինիկայի տնօրեն Նունե […]
ՀՀ առողջապահության նախարար Արմեն Մուրադյանը և Երևանի քաղաքապետ Տարոն Մարգայանն այցելեցին Երևանի չորս պոլիկլինիկա:
Երևանի Շենգավիթ վարչական շրջանի թիվ 13 պոլիկլինիկայում տնօրեն Ռուզաննա Դուրգարյանի ուղեկցությամբ նրանք շրջեցին բաժանմունքներով, ծանոթացան նյութատեխնիկական և կադրային հագեցվածությանը: 32 405 բնակիչ սպասարկող առողջության առաջնային պահպանման այս հաստատությունը Երևանի քաղաքապետարանի ջանքերով համալրվել է նորագույն ռենտգեն սարքավորմամբ:
«Կարմիր բլուր» պոլիկլինիկայի տնօրեն Նունե Ավանեսյանը ներկայացրեց մատուցվող ծառայությունները: Նախարարը կարևորեց 2015թ. ներդրվող առողջապահական նոր ստուգայցի (Check-Up) ծրագրի արդյունավետ իրականացումը: Նա բուժանձնակազմին տեղեկացրեց, որ այն միտված է բարձրացնելու առաջնային օղակի դերը, ինչպես նաև հայտնաբերելու հիվանդությունները վաղ փուլում: Արմեն Մուրադյանն անդրադարձավ նաև սրտի անհետաձգելի վիրահատությունների ծրագրի իրականացմանը:
Երևանի թիվ 15 պոլիկլինիկայում առողջապահության նախարարը և Երևանի քաղաքապետը ծանոթացան ընթացիկ շինարարական աշխատանքներին, շրջեցին կաբինետրերով:
Նորագույն ռենտգեն սարքավորմամբ է համալրվել նաև Երևանի թիվ 8 պոլիկլինիկան: Այստեղ Արմեն Մուրադյանը և Տարոն Մարգարյանը ծանոթացան մանրէաբանական լաբորատորիայի աշխատանքներին: Այցելեցին մանկական և թերապևտիկ բաժանմունքներ: Բոլոր պոլիկլինիկաներում նախարարը հետաքրքրվեց Իմունականխարգելման ազգային ծրագրի իրականացմամբ, պատվաստումների ծածկույթի ապահովմամբ:
«Չնայած այն փաստին, որ տեսանք նոր սարքավորումներով հագեցած բժշկական կազմակերպություններ, բնակչության և առողջապական համակարգի սպասելիքները առաջնային պահպանման օղակից շատ ավելի բարձր են»,- ասաց ՀՀ առողջապահության նախարարը` ընդգծելով, որ այսօր այցելած չորս երևանյան պոլիկինիկաներն էլ հագեցած են նորագույն սարքավորումներով և ունեն ախտորոշիչ լայն հնարավորություններ:
Նախարարը և քաղաքապետը առաջնային պահպանման հաստատություններում զրուցեցին այցելուների հետ:
