Երևանում կրպակ է հրդեհվել

Այսօր Ճգնաժամային կառավարման ազգային կենտրոն ահազանգ է ստացվել, որ Երևանի Հրաչյա Քոչարի փողոցի 1-ին նրբանցքում այրվում է չշահագործվող կրպակ։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ:

Հրշեջ-փրկարարները հրդեհը մեկուսացրել են ժամը 16։37-ին, մարել՝ 17։08-ին։ Այրվել են վագոն-տնակի ներսի փայտյա երեսպատումը և շինարարական գործիքներ։