ՀՀ փոխվարչապետ Տիգրան Ավինյանը, որի վերահսկողությամբ իրականացվում է Ադրբեջանում պահվող պատանդառված անձանց ու ռազմագերիների վերադարձման հետ կապված գործընթացը, Հանրային հեռուստաընկերությանը տված հարցազրույցում անդրադարձել է գերիների վերադարձման հետ կապված ԱԱԾ նախկին տնօրեն Արթուր Վանեցյանի հայտարարությանը:
«Ես անպայմանորեն պարոն Վանեցյանին կհրավիրեմ և կփորձեմ հասկանալ, թե ինչպես է պատկերացնում այդ գործընթացը», -ասել է Ավինյանը:
Հիշեցնենք՝ Վանեցյանը օրերս հայտարարել էր, որ եթե իշխանությունների կողմից ստանա կարգավիճակ կկարողանա անձնական կապերը օգտագործելով հետ բերել Ադրբեջանում պահվող գերիներին: