Փրկարարները դուրս են բերել ձյան մեջ արգելափակված 10 ավտոմեքենա

Մարտի 9-ից 10-ն ԱԻՆ ՓԾ ճգնաժամային կառավարման ազգային կենտրոնում 9 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ:

Մասնավորապես՝ Լոռու մարզի Սպիտակ, Ստեփանավան և Վանաձոր քաղաքներում, Նովոսելցովո գյուղում, Արագածոտնի մարզի Ապարան, Գեղարքունիքի մարզի Գավառ, Սյունիքի մարզի Կապան քաղաքներում։

Դեպքի վայր ժամանած փրկարարներն արգելափակումից դուրս են բերել 10 ավտոմեքենա և 16 քաղաքացու ցուցաբերել համապատասխան օգնություն։