Երևանի Մամուլի ակումբի նախագահ Բորիս Նավասարդյանը իր ֆեյսբուքյան էջում գրել է.
«Հայաստանը անկասկած լուրջ խնդիրների եւ վտանգների առաջ է կանգնած, սակայն պետք չէ այդքան հուզվել հունական Greek City Times կայքի գրածներից պատերազմի վերսկսման հնարավորության մասին:
Այդ պարբերականը հեռու է աշխարհաքաղաքական զարգացումների մեջ խորացած լինելուց, հեղինակն էլ ոչ մի բան ավել չգիտի, քան Հայաստանի միջին վիճակագրական քաղաքացին, այստեղից֊այնտեղից մի քանի լուր կպցրել է իրար ու ընթերցողին գրավելու համար սենսացիոն վերնագիր դրել:
Զգոն անշուշտ պետք է լինենք, հետեւենք տարածաշրջանում զարգացումներին, բայց չընկնենք պատահական աղբյուրից թարգմանած մակերեսային, կիսապրոֆեսիոնալ “վերլուծությունների” ճնշման տակ սոսկ այն պատճառով, որ անգլերենով են գրված:
Ցավն այն է, որ չունենք այդ կարգի տեղեկատվական գրոհներից պաշտպանող հանրային քաղաքականություն, որը կներառեր անվտանգության բազմակողմանի հարցերով զբաղվող կոմպետենտ կառույցներ, սոլիդ ուղեղային կենտրոններ, անվերապահ վստահություն վայելող լրատվամիջոցներ»: