Քաղաքագետ Արմեն Վարդանյանը գրել է․
«Բարեբախտաբար իշխանությունը հասկացավ իրավիճակի լրջությունը, զոռբայություն չարեց, հասկացավ որ քաղաքական ճգնաժամի լուծման միակ ճանապարհը արտահերթ խորհրդարանական ընտրություններն են ու որոշեց հունիսի 20-ին անցկացնել արտահերթ խորհրդարանական ընտրություններ: Մյուս ճանապարհները Հայաստանը տասնյակ տարիներով հետ էին գցելու, այդ թվում նաև որոշ ուժերի երազած պուտչիստական ծրագրերը:
Հիմա թող բոլոր կուսակցությունները գնան ու պատրաստվեն ընտրություններին, ներկայացնեն իրենց ծրագրերը ընտրողներին ու փորձեն ժողովրդի կողմից իշխանություն ստանալ: Հայաստանում իշխանությունը պատկանում է ժողովրդին, իսկ ժողովուրդը իր իշխանությունը որոշում է ազատ, արդար ու ժողովրդավարական ընտրությունների միջոցով: Սա պետք է բոլոր քաղաքական ուժերի ու գործիչների համար աքսիոմա լինի, իսկ ովքեր շեղվեն էս ուղուց պետք է շատ դաժան պատժի արժանանան թե ՛ օրենքի տեսանկյունից, թե ՛ քաղաքական առումով»:
