Մայրաքաղաքում ծառատունկը շարունակվում է: Այդ մասին տեղեկացնում է Երևանի քաղաքապետարանի ֆեյսբուքյան էջը:
«Երևանյան գարունը ջերմ ժպտում է, իսկ մենք ծառերի և թփերի խրամատավորման և տնկման գործընթացների մեջ ենք։ Եռուզեռ է տնկարանում։
Մաշտոցի պուրակում նոր կանաչ ցանկապատ ստեղծվեց, ավարտական տեսք ստացան նորատունկ 9 սոսիները։ Հաղթանակ զբոսայգում 100 կեչիների, 50 արոսենիների և 100 եղրևանիների համար տեղանշումներ են արվել։ Եռաբլուրում էտվեցին աշնանը տնկված 121 սոսիները։
Շաբաթ օրը կլինի ծառատունկի երկրորդ փուլը՝ կտկվի 500 կենսածառ։ Խանջյան փողոցում պատրաստում ենք անակնկալ երևանցիների համար»,- նշվում է գրառման մեջ։