Մարտի 31-ին, ժամը 12:13-ին Կոտայքի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Աբովյան քաղաքի Կոտայքի փողոցում գտնվող «Էլլար» կահույքի արտադրամասում։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է Կոտայքի փողոցում գտնվող չշահագործվող կահույքի արտադրամասի լաքապատման սրահում։
Հրշեջ-փրկարարները հրդեհը մեկուսացրել են ժամը 12։39-ին, մարել՝ 13։05-ին։ Այրվել է մոտ 50 քմ չորացած լաք և սոսինձ, երկու փայտե պատուհան (մոտ 6 քմ) և կառուցատարր:
