Այս խայտառակության պատճառով ողջ իրավապահ համակարգի գլուխները պետք է թռնեն. փաստաբանը՝ Քոչարյանի և մյուսների արդարացման մասին

Փաստաբան Նորայր Նորիկյանը իր ֆեյսբուքյան էջում գրել է.

«Ճակատագրի ծաղրն է, բայց եկեք փաստենք, որ Նիկոլ Փաշինյանի օրոք մարտի 1-ի գործով հռչակվում և ճանաչվում է Ռոբերտ Քոչարյանի անմեղությունը։ Այսպիսի խայտառակ դատաիրավական համակարգ գոյություն չի ունեցել ո՛չ Լևոն Տեր-Պետրոսյանի, ո՛չ Ռոբերտ Քոչարյանի, ո՛չ էլ Սերժ Սարգսյանի օրոք։

Սա Նիկոլ Փաշինյանի իշխանության քաղաքական պարտությունն է ու պատասխանատվությունը։

Այս ամենը հետևանք էր մեծամտության, որևէ այլ կարծիք չհանդուրժելու ամբարտավան պահվածքի և ինքնախաբեության։

Սակայն, անգամ այս իրավիճակում, մեր ժողովուրդը հուսահատվելու իրավունք չունի։Մենք կանգնած ենք որակապես նոր պետություն կառուցելու, պետական ինստուտուտների արդյունավետությունը բարձրացնելու մարտահրավերի առաջ և պարտավոր ենք հաղթահարել այն։

Երիցս համոզվեցի՝ քանի դեռ չենք ստեղծել արդար Հայաստան, մենք որևէ լուրջ հաջողություն չենք ունենալու․․․Այս խայտառակության պատճառով ողջ իրավապահ համակարգի գլուխները պետք է թռնեն»: