Տավուշում լարված իրավիճակ չկա: «Հայկական ժամանակ»-ի հետ զրույցում այս մասին ասաց Տավուշի մարզպետ Հայկ Ղալումյանը՝ անդրադառնալով տարածված տեղեկություններին, թե Բերդի ուղղությամբ հայ-ադրբեջանական սահմանին փոխհրաձգություն է ընթանում:
Հարցին՝ կրակոցներ չե՞ն եղել, Ղալումյանը պատասխանեց. «Առավոտյան մի քանի կրակոց է եղել Չինարի՝ դիրքից դիրք»:
Խոսելով Բերդի ուղղությամբ փոխհրաձգության լուրերի մասին՝ մարզպետն ասաց, որ 5 րոպե առաջ է խոսել Բերդի համայնքապետի հետ, եւ նման բան չկա:
