Բրիտանացի ներդրող, գործարար, միլիարդատեր Ռիչարդ Բրանսոնի հիմնադրած Virgin Galactic տիեզերանավերի ընկերությունը Միացյալ Նահանգների օդագնացության իշխանություններից ստացել է առևտրային նպատակով տիեզերական չվերթներ իրականացնելու թույլտվություն:
Տիեզերական զբոսաշրջության բնագավառում Բրանսոնի մրցակիցներն են միլիարդատեր Ջեֆ Բեզոսի հիմնադրած Blue Origin ընկերությունը և միլիարդատեր Իլոն Մասքի հիմնադրած SpaceX ընկերությունը:
Ըստ հաղորդագրությունների, Բրանսոնը ցանկանում է լինել առաջին անձնակազմի զբոսաշրջիկներից մեկը:
Virgin Galactic-ն անցած ամիս հաջողությամբ կատարել է ստուգողական թռիչքը: Նավը կարող է տիեզերք հասցնել վեց մարդ:
«Ավիացիայի վարչության կողմից ստացած կանաչ լույսը մեծ նշանակություն ունի, հիմա մենք կարող ենք պատրաստվել անձնակազմի վեց անդամներով առաջին լիարժեք ստուգողական չվերթին, որը տեղի կունենա այս ամռանը»,- ասել է Virgin Galactic ընկերության գործադիր տնօրեն Մայլք Քոլգլեզիերը:
Virgin Galactic նավը կարող է երկնքում արձակվել մեծ օդանավից և բարձրանալ մինչև 100 կիլոմետր, հատել Երկիր մոլորակի մթնոլորտի վերին սահմանը և հայտնվել տիեզերքում, ապա վերադառնալ Երկիր:
Այս մասին հայտնում է Ազատությունը:
