Շրջակա միջավայր՝ առանց պլաստիկե թափոնների կարգախոսի շրջանակներում Բնապահպանության նախարարությունում տեղադրվել են աղբի տեսակավորման աղբամաններ։
Այս մասին տեղեկացնում է նախարարության պաշտոնական հաղորդագրությունը։
«Մեկանգամյա օգտագործման պլաստիկից հրաժարվելու գործընթացի շրջանակներում Բնապահպանության նախարարությունում տեղադրվել են աղբի տեսակավորման աղբամաններ, որոնցում առանձնացվելու են պլաստիկը, թուղթը և ապակին։ Տեսակավորված աղբն ուղարկվելու է վերամշակման։
Աղբամանը տեղադրվել է ISSD /Innovative Solutions for Sustainable Development of Communities/ ՀԿ-ի և ՄԱԿ-ի Զարգացման ծրագրի հետ համագործակցության շրջանակներում։ Շրջակա միջավայրը պլաստիկ թափոններից զերծ պահելու նմանատիպ նախաձեռնությունները միտված են հասարակության մոտ բնապահպանական մշակույթի ձևավորմանը»,-նշված է հաղորդագրության մեջ։