Հայաստանի վարչապետ Նիկոլ Փաշինյանն ու Կանադայի վարչապետ Ջասթին Թրյուդոն այսօր համատեղ մամլո ասուլիսին ներկայացել են նույն գուլպաներով:
Հայկական արտադրության` ՀՀ դրոշի գույներով զարդարված գուլպաները Փաշինյանը Կանադայի վարչապետին է նվիրել երեկ` ի պատիվ պաշտոնական այցով Հայաստանի Հանրապետություն ժամանած Կանադայի վարչապետի ՀՀ վարչապետի նստավայրում տրված պաշտոնական ընթրիքի ժամանակ:
Ընթրիքից հետո Փաշինյանը ֆեյսբուքում գրել է, որ պայմանավորվել են արդեն այսօր երկուսն էլ հագնել այդ գունավոր հայկական գուլպաները: