Իշխանության հետ համագործակցություն կարող է լինել, բայց թե ինչ գերատեսչություն, չեմ էլ մտածել այդ ուղղությամբ:
Այդ մասին «Հայկական Ժամանակ»-ի փոխանցմամբ այսօր լրագրողների հետ զրույցում ասել է ԱԺ պետաիրավական հանձնաժողովի նախագահ Գեւորգ Կոստանյանը:
«Ես պատրաստ եմ իմ համեստ ներդրումն ունենալ երկրի շենացման գործում՝ մասնագիտական ֆորմատում: Քաղաքական համագործակցություն չունի: Պառլամենտական գործունեության ժամանակ ես փորձել եմ իրականացնել մասնագիտական գործունեություն: Ես նախկինում էլ որոշ օրենքների դեմ եմ եղել՝ հաշվի առնելով մասնագիտական գործոնը եւ ոչ թե քաղաքական նպատակները»,- ասել է Կոստանյանը:
Հարցին՝ դատախազությունում իրեն տեսնո՞ւմ է, Կոստանյանը պատասխանել է. «Ես ինձ որպես փաստաբան էլ եմ տեսնում: Ես, որ ասում եմ մասնագիտություն, նկատի ունեմ փաստաբանությունը»:
