Իտալիայում փոխհրաձգության հետևանքով 8 հոգի վիրավորվել է

Իտալիայի Տրիեստ քաղաքում տեղի ունեցած հրաձգության հետևանքով 8 մարդ է վիրավորվել։

Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, նախնական տվյալներով, դեպքը տեղի է ունեցել առավոտյան։

Կոնֆլիկտի պատճառ է հանդիսացել ինչ-որ  «պատժիչ առաքելություն»։ Կրակ բացածներից 2-ին ձերբակալել են հետապնդումից հետո, որի ընթացքում նույնպես կրակոցներ են հնչել։ Տուժածներից մեկը գտնվում է ծանր վիճակում։

Այն թաղամասում, որտեղ դեպքը տեղի է ունեցել, շարժը դադարեցված է, դեպքի վայր են ժամանել ոստիկանությունը, շտապօգնությունը։