«ՔՊ-ի և «Հանրապետություն» կուսակցության հետ մեր համագործակցության հնարավորությունները սպառված չեն». Մարուքյան. «Արմենպրես»

«ՔՊ-ի և «Հանրապետություն» կուսակցության հետ մեր համագործակցության հնարավորությունները սպառված չեն». Մարուքյան. «Արմենպրես»
«ՔՊ-ի և «Հանրապետություն» կուսակցության հետ մեր համագործակցության հնարավորությունները սպառված չեն». Մարուքյան. «Արմենպրես»
Հեղինակ MediaLab

«Լուսավոր Հայաստան» կուսակցության նախագահ Էդմոն Մարուքյանը հատարարել է, որ հին ընտրական օրենսգրքի ուժի մեջ մնալու հանգամանքը, բնականաբար, իր ազդեցությունն ունեցել է որոշումներ կայացնելու վրա, և իրենք հանգել են այն եզրակացության, որ լավագույն տարբերակը ԱԺ արտահերթ ընտրություններում առանձին մասնակցելն է:

«Արմենպրես»-ի հաղորդմամբ, այդ մասին այսօր Մարուքյանն ասել է մամուլի ասուլիսի ժամանակ՝ շնորհակալություն հայտնելով «Հանրապետություն» կուսակցությանը՝ Արամ Զավենի Սարգսյանի գլխավորությամբ, «Քաղաքացիական պայմանագիր» կուսակցությանը՝ Նիկոլ Փաշինյանի գլխավորությամբ՝ իրենց համատեղ անցած ճանապարհի համար:

«Մյուս կողմից՝ կարծում ենք, որ «Քաղաքացիական պայմանագիր» և «Հանրապետություն» կուսակցությունների հետ մեր համագործակցության հնարավորությունները սպառված չեն, և ապագայում նման հնարավորություն լինելու դեպքում, ի շահ ՀՀ քաղաքացիների, նոր համագործակցությունը հնարավոր է»,- ասել է  Մարուքյանը: