Կենտրոն վարչական շրջանում ապամոնտաժվում են առանց համապատասխան թույլտվության, օրենսդրության պահանջներին եւ Երեւան քաղաքի արտաքին գովազդի հայեցակարգին չհամապատասխանող գովազդային նյութերը:
Այդ մասին տեղեկացնում են Երեւանի քաղաքապետարանից: Նշվում է, որ Երեւան քաղաքում արտաքին գովազդի տեղադրումը (տեղաբաշխումը) իրականացվում է Երեւան քաղաքի ավագանու «Երեւան քաղաքի վարչական շրջանների ղեկավարներին լիազորություններ պատվիրակելու եւ արտաքին գովազդի տեղաբաշխման /տեղադրման/ համայնքային կանոնները հաստատելու մասին 18.11.2009թ. N37-Ն որոշման» եւ Երեւան քաղաքի արտաքին գովազդի հայեցակարգին համապատասխան:
Նախօրոք, մինչեւ արտաքին գովազդ տեղադրելը, անհրաժեշտ է ստանալ համապատասխան թույլտվություն: