Թբիլիսիի օդանավակայանի հսկիչ անցակետերից մեկում ՀՀ երկու քաղաքացու մոտ ստուգման ժամանակ հայտնաբերվել են չգրանցված ոսկյա զարդեր։ Այս մասին հայտնում է Վրաստանի Ֆինանսների նախարարության եկամուտների ծառայությունը, փոխանցում է «Գրուզիա օնլայնը»։
Տեղեկացվում է, որ մաքսանենգ ապրանքը եղել է 322,5 գրամ՝ շուրջ 12 հազար դոլար արժողությամբ։
Նշվում է, որ ՀՀ քաղաքացիներից մեկը, համաձայն Վրաստանի մաքսային օրենսդրության, տուգանվել է 4,4 հազար դոլարով, իսկ երկրորդի գործը փոխանցվել է Վրաստանի Ֆինանսների նախարարության քննչական ծառայություն։
Աղբյուր՝ Factor.am
