Ռուսաստանի և Ադրբեջանի պաշտպանության նախարարներ Սերգեյ Շոյգուն և Զաքիր Հասանովը հեռախոսազրույց են ունեցել։ Այս մասին գրում է ՌԻԱ Նովոստին՝ վկայակոչելով Ադրբեջանի ՊՆ-ին։
«ՌԴ ՊՆ ղեկավար, բանակի գեներալ Սերգեյ Շոյգուն զանգահարել է Ադրբեջանի պաշտպանության նախարար Զաքիր Հասանովին հայ-ադրբեջանական սահմանին ստեղծված իրավիճակի կապակցությամբ։ Հասանովը զրուցի ընթացքում հայտարարել է, որ «Հայաստանի իրականացրած սադրանքները կանխարգելվել են»։
Շոյգուն իր հերթին պատրաստականություն է հայտնել ջանքեր գործադրել՝ ուղղված ռազմական գործողությունների դադարեցմանը և իրավիճակի կայունացմանը»,-ասվում է ադրբեջանական կողմի հաղորդագրության մեջ։
Աղբյուր՝ Factor.am
