Գանձակ (Գյանջա) քաղաքի ծանր հանցագործությունների դատարանում այսօր տեղի էր ունենալու ևս երկու հայ ռազմագերիների ապօրինի դատավարությունը։
Այս մասին հայտնում է factor.am-ը:
Ադրբեջանական լրատվամիջոցների հաղորդմամբ՝ դատավոր Էլմին Ռուստամովի նախագահությամբ նախապատրաստական դատական նիստը հետաձգվել է, որի պատճառ է նշվում հայ գերիներին դատարան չբերելը։ Ըստ ադրբեջանական Report-ի՝ հաջորդ դատական նիստը տեղի է ունենալու դեկտեմբերի 17-ին։
Նշենք, որ հայ երկու ռազմագերիներն են Իշխան Աշոտի Սարգսյանն ու Վլադիմիր Օթարի Ռաֆայելյանը։
Չի հաղորդվում, թե երբ և ինչ հանգամանքներում են նրանք գերեվարվել։
Հիշեցնենք, որ միայն նոյեմբերի 17-ին պարզ դարձավ, որ այս երկու հայ ռազմագերիների նկատմամբ Ադրբեջանը հերթական շինծու քրեական գործն է հարուցել՝ երկրի Քրեական օրենսգրքի 214․2․3 (ահաբեկչություն) հոդվածով։
