«Արդար Հայաստան» կուսակցության ղեկավար Նորայր Նորիկյանը ֆեյսբուքյան իր էջում գրում է․
«Պատմությամբ ապացուցված իրողություն է, որ մեր երկրում.
- Կոռուպցիոները չի կարող ընդդիմություն լինել,
- Շարքային կաշառակերը չի կարող ընդդիմություն լինել,
- Օլիգարխը չի կարող ընդդիմություն լինել,
- Դոլլարային միլիոնատերը չի կարող ընդդիմություն լինել,
- Նախորդ տարիներին երկիրն ասպատակածն ու ապականածը չի կարող ընդդիմություն լինել,
- Պետության հնարավոր բոլոր ռազմավարական քայլերում տապալված ու ձախողված անձը չի կարող ընդդիմություն լինել:
Նայում եմ Ազգային Ժողովի անցուդարձն ու մեկ անգամ ևս հռետորական հարցադրում անում այսօրվա խորհրդարանական ընդդիմությանը.
Մի՞թե Դուք չեք հասկանում, որ ամեն անգամ խորհրդարան գալուց գործող վարչապետը բերանին եկածը շպրտում է երեսներիդ ու գնում, ու Դուք ծպտուն չեք կարողանում հանել…
Դուք մի՞թե չեք հասկանում, որ Ձեր անգոյությամբ ամեն անգամ ավելի եք ուժեղացնում գործող իշխանությանը:
Դու՞ք եք մեր ընդդիմությունը, Դու՞ք եք այս իշխանության այլընտրանքը…
Հ.Գ. Մեր ժողովրդին համբերություն ու ողջամտություն եմ ցանկանում»: