Անկախության 28-ամյակին տոնակատարությունների Էպիկենտրոնը լինելու է Գյումրիում։ Այս մասին տեղեկացնում է ՀՀ կառավարության աշխատակազմի ղեկավար Էդուարդ Աղաջանյանի գրառումը, որը ներկայացնում ենք ստորեւ։
«Ուրախ եմ տեղեկացնել, որ 2019-ի Սեպտեմբերի 21-ին ՀՀ Անկախության 28-ամյակին նվիրված համապետական տոնակատարությունների Էպիկենտրոնը լինելու է Շիրակի մարզում, մանավորապես՝ ՀՀ մշակութային մայրաքաղաք՝ Գյումրիում:
Այսուհետ ամեն տարի այդ օրվա միջոցառումների զգալի մասը կենտրոնանալու է ՀՀ տաս մարզերից որևէ մեկում:
Խթանենք համաչափ զարգացումն ու ներքին զբոսաշրջությունը»:
