Աբովյանի գործող քաղաքապետ Վահագն Գևորգյանը ֆեյսբուքի իր էջում գրառում է արել՝ հայտնելով քաղաքապետի ընտրություններում իր հաղթանակի մասին:
«Սիրելի՛ աբովյանցիներ, սիրում եմ բոլորիդ, հպարտանում եմ բոլորովդ։ Շնորհակալ եմ ընկերներիս, մեր թիմից, մեր ընտանիքներից։
Հաղթանակ։ Շնորհավոր ընկերության միջազգային օրը»,- գրել է Վահագն Գևորգյանը։
Վահագն Գևորգյանի նախընտրական շտաբից Tert.am-ին հայտնել են, որ գործող քաղաքապետը ՔՊ կուսակցության թեկնածու Գրիգոր Գուլյանին հաղթել է 409 ձայնով:
Ընտրություններում Վահագն Գևորգյանը հավաքել է 8441 ձայն, իսկ Գրիգոր Գուլյանը՝ 8032 ձայն: