Սյունիքում՝ Իշխանասարի մոտ, ադրբեջանական զինված ուժերի գնդակոծության հետևանքով վիրավորվել է ռուսաստանցի երկու զինծառայող։ Տելեգրամյան ալիքներում տարածված տեղեկությունը հաստատում է ՍիվիլՆեթի՝ Սյունիքի թղթակիցը։
Ըստ տեղեկության՝ ռուս զինծառայողները մասնակցում էին նախօրեին մոլորված և ադրբեջանական վերահսկողության տակ հայտնված ՀՀ ԶՈՒ զինծառայող Մարտիրոս Գյուլամբարյանի որոնողական աշխատանքներին։ Զինծառայողները տեղափոխվել են հիվանդանոց և տեղում վիրահատվել։
