Հայաստանը պատրաստ է Չեխիայի հետ հարաբերությունները խորացնել փոխադարձ հետաքրքրություն ներկայացնող բոլոր ոլորտներում։
Ինչպես հաղորդում է «Արմենպրես»-ի թղթակիցը Պարահայից, այս մասին նշեց ՀՀ վարչապետ Նիկոլ Փաշինյանը` Պրահայի անդրատլանտյան հարաբերությունների կենտրոնում կայացած «Հայաստանի ժողովրդավարությունն անհանգիստ տարածաշրջանում. Անվտանգության ու կայունության կարիքները» խորագրով քննարկմանը։
«Իմ այս այցը համընկնում է երկու երկրների դիվանագիտական հարաբերությունների հաստատման 30-ամյակի հետ։ Վերջին 30 տարիներին Հայստանն ու Չեխիան երկկողմ լուրջ օրակարգ են ձևավորել՝ անդրադառնալով տարբեր ոլորտների, ներառյալ ակտիվ քաղաքականությունը։ Այսօր կցանկանայի խոսել Հայաստանի ժողովրդավարության ճանապարհի մասին, մի տարածաշրջանում, որը լի է մարտահրավերներով»,- ասաց Նիկոլ Փաշինյանը
Նա տեղեկացրեց, որ 2018 թվականի հեղափոխությունից հետո Հայաստանը ընդգրկուն բարեփոխումներ է իրականացնում կոռուպցիայի դեմ պայքարում։ Վարչապետը կարևորեց ընտրական գործընթացներում քաղաքացիների ազատ կամարտահայտումը։ Նիկոլ Փաշինյանը ընդգծեց, որ փակվել է կեղծված ընտրությունների էջը։ Մի շարք բարեփխումների արդյունքում Հայաստանը կարողացել է տպավորիչ տնտեաական աճ արձանագրել։ Մասնավորապես, 7,6 տոկոս տնտեսական աճ գրանցվել է 2019-ին, 5,7 տոկոս՝ 2021-ին, 12,6 տոկոս 2022-ին։