Վարչապետ Նիկոլ Փաշինյանը տեղեկացրել է, որ Պակիստանի հետ հարաբերություններ հաստատելու ուղղությամբ դիվանագիտական, ոչ բարձր մակարդակի աշխատանքներ արվում են․ «30 տարի նրանք մեր անկախությունը չեն ճանաչել, և դիվանագիտական հարաբերություններ չեն հաստատվել։ Պետք է հասկանալ դրա պատճառները և այս իրավիճակում առաջընթաց արձանագրել։ Դա հեշտ գործ չէ»․ ասել է նա։
Ըստ Փաշինյանի՝ երբ հաջողվի Ադրբեջանի հետ խաղաղության պայմանագիր կնքել, դա կդառնա փաստարկ, որ Պակիստանի հետ ևս դիվանագիտական հարաբերություններ հաստատվեն։
Նա նաև անդրադարձել է Սաուդյան Արաբիայի հետ հարաբերություններ հաստատելու հեռանկարին. «Հույս ունեմ՝ առաջիկայում Հայաստանը և Սաուդյան Արաբիան պաշտոնապես դիվանագիտական հարաբերություններ կհաստատեն, ինչը շատ կարևոր և էական իրադարձություն կլինի»:
