Հայաստանը ներկայացնող ծանրորդները շարունակում են ելույթները Կատարի Գրան Պրիում:
«Արմենպրես»-ի հաղորդմամբ` մրցումային հերթական օրը պայքարի մեջ մտան 96 կգ քաշային տղամարդիկ: Հայաստանի ներկայացուցիչ Դավիթ Հովհաննիսյանը պոկում վարժության երեք հաջող մոտեցումներում բարձրացրեց 160, 165 և 170: Հրում վարժությունում նա ունեցավ միայն մեկ հաջող մոտեցում` բարձրացնելով միայն 200 կգ: Երկամարտի 370 կգ արդյունքով Հովհաննիսյանը Գրան Պրիում զբաղեցրեց երկրորդ տեղը:
Հայաստանի թիմի կազմում հաջորդիվ հանդես կգան նաև Գարիկ Կարապետյանը, Սամվել Գասպարյանը, Տաթև Հակոբյանը, Հռիփսիմե Խուրշուդյանը, Վարազդատ Լալայանը և Սիմոն Մարտիրոսյանը:
