Սոցցանցերում տարածվում է գովազդային տեսանյութ, որում Արցախի նախկին պետնախարար և գործարար Ռուբեն Վարդանյանն իբր հայտնում է, թե քաղաքացիները կարող են դիմել իր ստեղծած իրավաբանական ընկերությանը՝ կեղծ բրոքերներից կամ ներդրումներում կորցրած գումարները վերադարձնելու համար:
Ռուբեն Վարդանյանի ձայնի կրկնօրինակմամբ տեսանյութում նրա անունից հնչում է պնդում, թե քաղաքացիները կարող են դիմել իր ընկերությանը՝ կեղծ բրոքերներից կամ ձախողված ներդրումներից կորցրած գումարները վերադարձնելու համար:
«Մենք արդեն օգնել ենք շատ մարդկանց վերադարձնելու իրենց գումարները և վերականգնելու ֆինանսական կայունությունը: Մենք հպարտ ենք մեր արդյունքներով և պատրաստ ենք շարունակել մեր աշխատանքը ի շահ հասարակության»,- ռուսերենով ասում է Վարդանյանին նմանակող ձայնը:Տեսանյութը տարածվում է Meta-ի հարթակներում՝ Facebook-ում և Instagram-ում մի շարք կեղծ և դատարկ էջերի տեղադրած գովազդային գրառումների միջոցով:
Տեսանյութը՝ սկզբնաղբյուրում
