Բաքվում ընթանում է Լեռնային Ղարաբաղի նախկին պետնախարար Ռուբեն Վարդանյանի նկատմամբ կեղծ դատավարության հերթական նիստը։
Ադրբեջանական լրատվամիջոցների հաղորդմամբ՝ մարտի 11-ի նիստում ներկաները լսել են վկաներից մեկի ցուցմունքը։
Ռուբեն Վարդանյանը, որը փետրվարի 19-ից հացադուլ է սկսել՝ այդ եղանակով իր բողոքն արտահայտելով իր նկատմամբ անցկացվող շինծու դատավարության վերաբերյալ, նույնպես ներկա է նիստին։
Այնուհետև ընթերցվել է վկայի ցուցմունքը, որը նա տվել է Ադրբեջանի Պետական անվտանգության ծառայությունում նախաքննության ընթացքում։ Վկան հաստատել է այն։
Նշվում է, որ նիստը կշարունակվի ընդմիջումից հետո։
